അഞ്ചാമത് ദ്വിവത്സര ഗ്ലോബൽ കൺവെൻഷന്റെ ഒരുക്കങ്ങൾക്ക് വേൾഡ് മലയാളി ഫെഡറേഷൻ തുടക്കം കുറിച്ചു. ഗ്ലോബൽ ചെയർമാൻ ഡോ ജെ രത്‌നകുമാറിന്റെ നേതൃത്വത്തിൽ ഗ്ലോബൽ - മിഡിൽ ഈസ്റ്റ് - യുഎഇ നേതാക്കൾ ദുബായിൽ കൺവെൻഷൻ വേദിയെയും കൺവെൻഷൻ വിജയകരമാക്കുന്നതിനാവശ്യമായ ഒരുക്കങ്ങളെയും സംബന്ധിച്ച വിഷയങ്ങളിൽ ചർച്ച നടത്തി. വേദിയെ സംബന്ധിച്ച അറിയിപ്പ് ഉടനെയുണ്ടാകുമെന്ന് ഗ്ലോബൽ ചെയർമാൻ ഡോ ജെ രത്‌നകുമാർ അറിയിച്ചു. മിഡിൽ ഈസ്റ്റ് കൗൺസിൽ വളരെ പ്രതീക്ഷയോടെയാണ് ഈ കൺവെൻഷനെ കാണുന്നതെന്നും ആഗോള നഗരമായ ദുബായിയിൽ ചരിത്രപരമായ ഒരു ഒത്തുചേരലാകും ഇത്തവണത്തെ കൺവെൻഷൻ എന്നും മിഡിൽ ഈസ്റ്റ് പ്രസിഡന്റ് വർഗീസ് പെരുമ്പാവൂർ പ്രതികരിച്ചു.